Ramos Messining jamoadoshiga aylanishi mumkin

Turkiyalik insayder Ekrem Konurning xabar berishicha, MLSning ikki klubi "Sevilya"ning ispaniyalik himoyachisi Serxio Ramosga qiziqish bildirmoqda.

Gap Amerikaning "Los-Anjeles Gelaksi" va "Inter Mayami" jamoalari haqida ketmoqda.

"Los-Anjeles Gelaksi" va "Inter Mayami" 38 yoshli ispaniyalik futbolchi Serxio Ramosga qiziqish bildirmoqda", - deb yozadi Konur ijtimoiy tarmog'idagi sahifasida. Ramos aynan qaerga borishi mumkinligi hozircha noma'lum - Kaliforniya yoki Florida klublariga.

Ramos o'tgan yozda "Sevilya"ga erkin agent sifatida qaytgan edi. Joriy mavsumda himoyachi andalusiyaliklar safida barcha turnirlarda 29 ta o'yin o'tkazib, 7 ta gol va bitta golli uzatmani amalga oshirdi. Futbolchining ispan klubi bilan shartnomasi shu yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 4 million evroni tashkil qiladi.