"Manchester Siti" "Vest Xem" futbolchisi uchun qiziqishni qayta tikladi

"Manchester Siti" yozgi transferlar vaqtida o'z tarkibini kuchaytirish imkoniyatlarini o'rganmoqda.

"Manchester Siti" "Vest Xem" futbolchisi Lukas Paketa uchun taklif tayyorlamoqda, deya xabar beradi Football Insider nashri.

"Shaharliklar" o'tgan yozda Paketa uchun 80 million funt to'lashga tayyor edi. Futbolchi pul tikish qoidalarini buzish ehtimoli bo'yicha tergovga jalb qilingani uchun kelishuv amalga oshmadi. Kelgusi yozda "shaharliklar" Braziliya terma jamoasining 26 yoshli futbolchisini qo'lga kiritishga yangi urinishadi.

2023/2024 yilgi mavsumda Lukas Paketa 34 ta o'yinda maydonga tushib, 7 ta gol va 7 ta golli uzatmani amalga oshirdi.