"Barselona" o'z himoyachisi bo'yicha rasmiy taklif oldi

"Barselona" markaziy himoyachisiga boshqa klublar qiziqish bildirmoqda.

Jurnalist Serxi Kapdevillaning xabariga ko'ra, "ko'k-anorranglilar" 19 yoshli Mikail Faye transferi bo'yicha takliflar olgan.

Manbaga ko'ra, "ko'k-anorranglilar" rahbariyati hali futbolchining rejalari haqida bir qarorga kelmagan. Ma'lum qilinishicha, yangi murabbiy tayinlangach, Fayega mavsumoldi bosqichida o'zini ko'rsatish imkoniyati bo'ladimi yoki darhol sotiladimi, hal bo'ladi.

Avvalroq, Fayega "Manchester Yunayted", "Bayer" va "Inter" qiziqish bildirayotgani haqida xabarlar tarqalgan edi. Mikail hali "Barselona" safida rasmiy o'yinlarda debyut qilgani yo'q.