"Ayntraxt" o'z futbolchisini katta mablag' evaziga sotishi mumkin

Frankfurtning "Ayntraxt" klubi misrlik hujumchi Umar Marmushni 50-60 million evroga sotishi mumkin, deb xabar beradi Sport Bild nashri.

Marmus o'tgan yozda "Volfsburg"dan erkin agent sifatida shartnoma imzolab, Frankfurt klubini kuchaytirdi. Futbolchi 25 yoshda, joriy mavsumda u jamoasi uchun barcha turnirlarda 15 ta gol urdi va 6 ta golli uzatmani amalga oshirdi.

Umuman olganda, bu gollarga erishish uchun unga 33 o'yin kerak bo'ldi. Avvalroq, mish-mishlarga ko'ra, futbolchiga "Liverpul", "Tottenxem", "Nyukasl" va Londonning "Arsenal" klublari qiziqish bildirayotgan edi.

Qohiralik futbolchining Frankfurtning "Ayntraxt" bilan shartnomasi uzoq muddatga - 2027 yilning yoziga qadar amal qiladi.