APLning ikki klubi "Sautgempton" hujumchisiga qiziqish bildirmoqda

"Sautgempton" hujumchisi Che Adams klubini o'zgartirishi mumkin. Bu haqda jurnalist Ekrem Konur xabar bermoqda.

Manbaga ko'ra, 27 yoshli shotlandiyalik futbolchining xizmatlariga "Vest Xem" va "Vulverxempton" klublari qiziqish bildirmoqda. Joriy mavsumda Adams barcha turnirlarni hisobga olgan holda 35 ta uchrashuvda maydonga tushib, 12 ta gol urdi va 5 ta golli uzatmani amalga oshirdi.

Adamsning "Sautgempton" bilan shartnomasi kelasi yozgacha amal qiladi. Transfermarkt portali ma'lumotlariga ko'ra, futbolchining narxi 15 million evroga teng. 29 mart kuni chempionatning 39-turi doirasida "Sautgempton" o'z uyida "Midlsbro"ni qabul qiladi.