"Arsenal" "Leyptsig" futbolchisini faol kuzatib bormoqda

Londonning "Arsenal" klubi "Leyptsig" hujumchisi Benjamin Sheshkoni faol kuzatib bormoqda.

Give me sport nashri ma'lumotlariga ko'ra, "kanonirlar" bosh murabbiyi Mikel Arteta o'z jamoasida sloveniyalik futbolchini ko'rishni juda xohlaydi. Yozgi transfer oynasida Sheshko 50 million evroga sotilishi kutilmoqda. Bu summa futbolchining "Leyptsig" bilan shartnomasida ko'rsatilgan tovon puli.

Sheshko "Leyptsig" safida debyut mavsumini o'tkazmoqda. Hozirda 20 yoshli Benjamin Bundesligada 7 ta gol urdi va ikkita golli uzatmani amalga oshirdi. Hujumchiga "Chelsi" ham qiziqayotgani haqida avvalroq xabar berilgandi.