"Manchester Siti" "Nyukasl"ning 26 yoshli himoyachi yarim himoyachisiga ko'z tikmoqda

"Manchester Siti" "Nyukasl"ning 26 yoshli himoyachi yarim himoyachisi Bruno Gimaraes uchun 115 million evro taklif qilishga tayyor. Bu haqda AS nashri xabar bermoqda.

Manbaga ko'ra, "shaharliklar" braziliyalik futbolchining ehtimoliy transferini muhokama qilish uchun uning atrofidagilar bilan aloqa o'rnatishgan.

"Shaharliklar" yarim himoyachi Rodrigo Ernandesning ish yukini kamaytirish maqsadida himoyaviy yarim himoyachi pozitsiyasiga qo'shimcha o'yinchi sotib olmoqchi.

Eslatib o'tamiz, joriy mavsum Gimaraes barcha turnirlarda 39 ta o'yinda ishtirok etib, 3 ta gol va 7 ta golli uzatmaga mualliflik qilgan. Futbolchining klub bilan amaldagi mehnat shartnomasi 2028 yilning yoziga qadar amal qiladi. Transfermarkt portalida berilgan ma'lumotlarga ko'ra, futbolchining bozor qiymati 85 million evroni tashkil qiladi.