"Yuventus" "Atalanta" futbolchisini kuzatmoqda

Turinning "Yuventus" klubi "Atalanta" yarim himoyachisi Ederson Lourensoni kuzatishda davom etmoqda.

Sky Sport Italia nashri xabariga ko'ra, "keksa sinora" kelasi yozda 24 yoshli braziliyalik futbolchini sotib olish imkoniyatini ko'rib chiqmoqda.

Xabarlarga ko'ra, "Yuventus" Edersonning joriy mavsumdagi o'yinlaridan hayratda. Shu sababdan klub yarim himoyachining transferi uchun kurash olib borish niyatida.

Eslatib o'tamiz, “keksa sinora” avvalroq “Atalanta”ning boshqa bir yarim himoyachisi Tyon Kopmeyners bilan bog'langan edi, uning narxi 60 million evroga baholanmoqda.

Transfermarkt portali Edersonning bozor narxini 35 million evroga baholamoqda.