Xolandning agentlari «Barselona» rahbariyati o'rtasidagi uchrashuv tafsilotlari ma'lum bo'ldi

"Manchester Siti hujumchisi Erling Xolandning agentlari yaqinda "Barsa" rahbariyati bilan uchrashuv o'tkazgan edi. Insayder Fabritsio Romano mazkur uchrashuv tafsilotlari bilan o'rtoqlashdi.

Manbaga ko'ra, agentlar va "Barselona" sport direktori Deku o'rtasidagi uchrashuvda Xolandning transferi muhokama qilinmagan. Uchrashuvda Erlingning agentiga tegishli boshqa o'yinchilar haqida so'z borgan. Aynan qaysi o'yinchilar haqida muzokara o'tkazilgani oshkor qilinmadi.

Ma'lumot o'rnida. Agent Pimenta Matteys de Ligt, Nussair Mazraui, Marko Verratti va Kasper Dolberg kabi o'yinchilar manfaatini himoya qiladi.