"Atletik" futbolchisiga APLda yana bir da'vogar paydo bo'ldi

Huquqlari Bilbaoning "Atletik" klubiga tegishli bo'lgan hujumkor yarim himoyachi Niko Uilyamsga ingliz klublari orasida talab katta. Insayder Ekrem Qo'ng'irning ijtimoiy tarmoqlarda yozishicha, vingerga Londonning "Tottenxem" klubi qiziqish bildirmoqda.

"Shporlar" Uilyamsni qo'lga kiritish uchun jiddiy raqobatga duch kelishadi. Futbolchini "Chelsi" va "Manchester Yunayted" ham o'z safiga qo'shib olmoqchi. 21 yoshli ispaniyalik futbolchining shartnomasida ko'rsatilgan tovon puli 50 million evroni tashkil qiladi.

Ispaniya chempionatining joriy mavsumida Niko 22 ta o'yin o'tkazib, 3 ta gol va 6 ta golli uzatmani amalga oshirdi.