Saudiya klubi De Bryuyne dahshatli summa taklif qilmoqchi

Saudiya Arabistoni klublaridan biri "Manchester Siti" yarim himoyachisi Kevin De Bryuyneni o'z safiga qo'shib olmoqchi.

Jurnalist Nikolo Skiraning xabariga ko'ra, nomi oshkor etilmagan jamoa 32 yoshli belgiyalik futbolchi uchun "aql bovar qilmaydigan" va "juda saxiy" taklif tayyorlamoqda. Gap 2027 yilgacha mo'ljallangan shartnoma haqida ketmoqda.

Yarim himoyachining "shaharliklar" bilan amaldagi shartnomasi 2025 yilning yozida yakuniga etadi.

Kevin joriy mavsumning bir qismini jarohati tufayli o'tkazib yubordi, hozir uning hisobida 12 ta o'yinda 2 ta gol va 12 ta golli uzatma bor.