"Milan" hujum chizig'ini kuchaytirishni o'ylamoqda

"Milan" yozda Olive Jiruning MLSga ketishi va "PSJ"ning Rafael Leauga qiziqishini inobatga olgan holda hujum chizig'ini kuchaytirishni o'ylamoqda.

TodoFichajes nashri xabariga ko'ra, "rossonerilar"ning transfer maqsadi "Lill" hujumchisi Jonatan Devid bo'lib qolmoqda. Avvalroq "Lill" bu futbolchi uchun 60 million evro so'ragandi, bu esa "Milan"ga to'g'ri kelmagan.

A Seriya klubi 24 yoshli Devidni taxminan 40 millionga sotib olish mumkinligiga umid qilmoqda, chunki futbolchining amaldagi shartnomasi 2025 yilning o'rtalariga qadar amal qiladi.

Shuningdek, Milanning nishonida Bundesliganing joriy mavsumida ikkinchi eng yaxshi to'purar bo'lib turgan "Shtatgart" hujumchisi Seru Girassi bo'lib turibdi.