"MYu" o'z darvozabonini sotib yuborishi mumkin

"Manchester Yunayted" darvozaboni Altay Bayindir faoliyatini Turkiya Superligasida davom ettirishi mumkin. Bu haqda Goal.com portali xabar bermoqda.

Manbaga ko'ra, darvozabon xizmatlariga Istanbulning "Galatasaroy" klubi qiziqish bildirmoqda. Turkiya grandi yozgi transfer oynasida Bayindirning transferini rasmiylashtirmoqchi.

Eslatib o'tamiz, Altay o'tgan yozda "qizil iblislar" futbolchisiga aylangandi. Uning transferi "mankunianliklar"ga 5 million evroga tushdi.

2023/2024 yilgi mavsumda darvozabon faqat bitta o'yin o'tkazdi. APLning 24-turidan so'ng “Manchester Yunayted” 41 ochko bilan turnir jadvalida oltinchi o'rinda bormoqda.