"PSJ"ning ro'yxatidan Reshford ham joy oldi

Insayder Fabritsio Romano "PSJ" yozda kamida uchta yirik transferni amalga oshirishini aytdi.

Manbaga ko'ra, klub bu rejani dekabr oyidayoq tayyorlagan. Qayd etilishicha, ushbu mavsum yakunida "PSJ"ni tark etish ehtimoli yuqori bo'lgan hujumchi Kilian Mbappe o'rniga bitta top futbolchi kelishi kerak. Shuningdek, Romanoning fikricha, parijliklar klubiga top yarim himoyachi va iqtidorli markaziy himoyachi o'tishi kerak.

Oldinroq L'Equipe nashri Mbappe "Real"ni 2024 yilning yozida Madrid klubiga o'tishi haqida ogohlantirganini xabar qilgandi. 25 yoshli hujumchi "Real" bilan 5 yildan 6 yilgacha muddatga shartnoma imzolashi mumkin.

16 fevral kuni "PSJ" uchun asosiy variant "Napoli" hujumchisi Viktor Osimxen ekanligi haqida ma'lumot paydo bo'ldi. Shuningdek, frantsuz klubining nomzodlar ro'yxatida "Manchester Yunayted"dan Markus Reshford va "Milan"dan Rafael Leau ham bor.