"Liverpul" Salohga muqobil variant topib qo'ydi

Hujumchi Doniell Malen Angliya Premer-ligasida o'ynashi mumkin.

TodoFichajes nashri xabariga ko'ra, "Borussiya Dortmund"ning 25 yoshli futbolchisi "Liverpul"ning nishonida. "Mersisaydliklar" o'tgan yili Malenni kuzatgan va endi futbolchiga bo'lgan qiziqishlarini jonlantirishlari mumkin.

Qayd etilishicha, "Borussiya" Malenning transferi uchun kamida 60 million evro talab qilishi mumkin. Bunday holda, "arilar" bu o'yinchiga kiritgan sarmoyasini qoplaydi. Shu bilan birga, manbaning ta'kidlashicha, "Liverpul" katta ehtimol bilan Muhammad Saloh jamoani tark etgan taqdirdagina Malen bilan shartnoma imzolaydi.

Eslatib o'tamiz, Donell Malen bir vaqtlar Londonning "Arsenal" klubi yoshlar jamoasida o'ynagan.