«PSJ» Raboni «Barselona»ga «choy-chaqa»ga sotadi

«PSJ» yarim himoyachisi Adrien Rabo qishki transfer paytida jamoani tark etishi mumkin.

Parijliklar 23 yoshli futbolchini arzimagan 5 million evroga "Barselona"ga sotishadi. Aks holda futbolchi mavsum so'ngida jamoani bepul tark etadi. Boz ustiga, "PSJ" yarim yil davomida Raboga maosh to'lash majburiyatidan xalos bo'lishadi.

Eslatib o'tamiz, avvalroq "ko'k-anorranglilar" Adrien bilan shaxsiy shartnoma borasida kelishib olgani haqida xabar tarqalgandi. Ammo so'nggi paytlarda futbolchining onasi kataloniyaliklardan ko'proq pul talab qilayotgani bois, muzokaralar jarayoni biroz cho'zilmoqda.

Adrien Rabo Frantsiya chempionatining ushbu mavsumida 14ta o'yinda maydonga tushib, ikkita gol urdi va bitta golga uzatma berdi.