APL klubi "Lids" futbolchisini to'laqonli sotib olish bo'yicha kelishuvga erishdi

"Bornmut" "Lids" bilan ushbu mavsumda "giloslar"da ijara asosida to'p surayotgan hujumchi Luis Sinisterrani sotib olish borasida kelishib oldi.

Jurnalist Fabritsio Romanoning yozishicha, "Bornmut" kolumbiyalik futbolchini sotib olish uchun "tovuslar"ga 23 million evro to'lagan. Manbaning qo'shimcha qilishicha, kelishuv bugun rasman e'lon qilinishi kerak.

Sinisterra "Bornmut" bilan doimiy shartnoma imzolashga qaror qildi, chunki klub Premer-liga turnir jadvalida 12-o'rinda va elitada jon saqlab qolish uchun yaxshi imkoniyatga ega.

Eslatib o'tamiz, joriy mavsumda u Angliya chempionatida ikkita gol urdi va ikkita golli uzatmani amalga oshirdi.