«Inter» yozda ikki futbolchini bepul qo'lga kiritmoqchi

Milanning «Inter» klubi 2024 yilning yozida erkin agentga aylanadigan ikki futbolchi bilan shartnoma imzolamoqchi. Bu haqda insayder Fabritsio Romano xabar tarqatdi.

Bu futbolchilar — «Napoli» yarim himoyachisi Petr Zelinski va «Portu» hujumchisi Mehdi Tarimiy.

Zelinski joriy mavsumda 26 o'yinda maydonga tushib, 3 gol va 3 assist muallifiga aylangan bo'lsa, Tarimiy 24 o'yinda gol+pas tizimi bo'yicha 9 ball (6+3) to'plagan.