FIFA prezidenti futbolchilarning transfer narxini aniqlash algoritmini yo'lga qo'ymoqchi

FIFA prezidenti Janni Infantino transfer bozorini isloh qilish kerak deb hisoblamoqda.

Uning fikricha, odatdagi muzokaralar va savdolashishdan voz kechilsa, transferlarning shaffofligi oshadi.

«Hozir turli mavzularda gaplashish mumkin. Masalan, futbolchilarning narxini belgilashda maxsus algoritmdan foydalanishni taklif qilaman. Bu esa transfer bozorining shaffof bo'lishiga va klublarning manfaatiga xizmat qiladi», – dedi Infantino.