Rasman! "Betis" "Galatasaroy" hujumchisi bilan shartnoma imzoladi

Hujumchi Sedrik Bakambu Istanbulning “Galatasaroy” klubini tark etib, Ispaniya chempionatiga yo'l oldi.

Klub rasmiy sayti xabariga ko'ra, 32 yoshli kongolik futbolchining yangi klubi - "Betis".

Tomonlar 2026 yilga qadar shartnoma imzoladilar. Bakambu Ispaniya La ligasida o'ynash tajribasiga ega. 2015 yildan 2018 yilgacha hujumchi "Vilyarreal"da o'ynagan. U 75 ta uchrashuvda qatnashib, 31 ta gol va 5 ta golli uzatmani amalga oshirgan.

Ispaniya chempionatining 22-turidan so'ng “Betis” 34 ochko jamg'arib, turnir jadvalida ettinchi o'rinda bormoqda.