"Nottingem Forest" "Sporting" futbolchisini o'z safiga qo'shib oldi

"Nottingem Forest" Lissabonning "Sporting" klubi hujumchisi Rodrigo Ribeyroni mavsum oxirigacha ijaraga oldi.

"Nottingem Forest" klubida 37-raqamni egallagan Ribeyroning ijara shartnomasida sotib olish optsiyasi mavjud.

18 yoshli Ribeyro "Sporting" akademiyasi tarbiyalanuvchisi hisoblanadi va Lissabon asosiy jamoasi safida 2022 yilning mart oyida "Manchester Siti"ga qarshi Chempionlar ligasi o'yinida debyut qilgan.

Ribeyro "Manchester Siti"ga qarshi o'sha o'yindan tashqari Portugaliya chempionatida "Sporting" safida yana olti marta o'ynagan.

Rodrigo Portugaliya U-20 yoshlar terma jamoasida o'zining eng yaxshi tomonlarini ko'rsatib, to'qqizta o'yinda olti bor gol urdi.