"Arsenal" Reshfordni o'z safiga qo'shib olishga harakat qiladi

"Manchester Yunayted" hujumchisi Markus Reshford klubini o'zgartirishi mumkin.

Football Insider nashri xabariga ko'ra, "Arsenal" 26 yoshli futbolchini maqsad qilgan. Xabar qilinishicha, "kanonirlar" joriy mavsum yakunlanganidan keyin Reshfordni qo'lga kiritishga harakat qiladi.

Qayd etilishicha, futbolchining "MYu"dagi kelajagi so'nggi paytlarda tartib-intizom bilan bog'liq muammolardan keyin ham so'roq ostida qolmoqda.

Avvalroq, "qizil iblislar" qishda Reshfordni sotmaslikka qaror qilgani haqida xabar berilgandi. Joriy mavsumda futbolchi barcha turnirlarda 26ta o'yinda ishtirok etib, to'rtta gol urdi va oltita golli uzatmani amalga oshirdi.