"Borussiya" futbolchisi APLga ko'chib o'tmoqda

Angliyaning “Nottingem Forest” klubi o'z tarkibini Dortmundning “Borussiya” klubi yarim himoyachisi Jovanni Reyna bilan kuchaytirmoqchi. Bu haqda insayder Fabritsio Romano ijtimoiy tarmoqlar orqali xabar berdi.

"O'rmonchilar" bosh murabbiyi Nunu Eshpiritu Santu shaxsan futbolchi bilan shartnoma imzolashdan manfaatdor. Reyna Angliya jamoasiga mavsum oxirigacha ijara asosida o'tadi.

Joriy Germaniya Bundesligasida 21 yoshli amerikalik futbolchi 11 ta o'yin o'tkazgan. Premer-liganing 22-turi natijalariga ko'ra, "Nottingem Forest" turnir jadvalida 16-o'rinni egallab turibdi.