Rasman. Aka-uka Fekirlar «Betis»ga o'tishdi

«Lion» yarim himoyachisi Nabil Fekir rasman «Betis» futbolchisiga aylandi. Andalusiyaliklar 26 yoshli futbolchi bilan 4 yillik shartnoma imzolashdi.

Transfer summasi 19,75 million evroga teng bo'ldi. Bu haqda «Lion» klubi xabar tarqatdi. Bundan tashqari, umumiy miqdori 10 million evroga teng bo'lgan turli bonuslar ham nazarda tutilgan. Shuningdek, futbolchining keyinchalik amalga oshishi mumkin bo'lgan transferidan 20 foiz ulush frantsuzlarga tegadigan bo'ldi.

Nabilning ukasi — yarim himoyachi Yassin Fekir ham «Lion»dan «Betis»ga o'tdi. Frantsiyaliklar 22 yoshli futbolchining 50 foiz transfer huquqini o'zlarida saqlab qolishdi.