Fergyusonga A Seriyaning bir qator klublari qiziqish bildirmoqda

"Bolonya" safida A Seriyada o'ynayotgan shotlandiyalik yarim himoyachi Lyuis Fergyuson Italiyaning bir qancha klublarining nishoniga aylangan. Bu haqda Football-Italia nashri xabar bermoqda.

Manbaga ko'ra, 24 yoshli yarim himoyachi uchun Turinning "Yuventus", Rimning "Latsio" va "Milan" klublari kurash olib boradi. Futbolchi uchun kurash yozgi transfer oynasiga yaqinroq boshlanadi.

Fergyuson 2022 yildan beri "Bolonya" sharafini himoya qilib kelmoqda. Futbolchining transfer qiymati 18 million evroga baholanmoqda. Tomonlar o'rtasidagi shartnoma 2027 yilning o'rtalariga qadar tuzilgan. Joriy mavsumda shotlandiyalik futbolchi 22 ta o'yin o'tkazib, 4 ta gol va 3 ta golli uzatmani amalga oshirdi.