"Liverpul" yaponiyalik futbolchini sotib olishga bel bog'lagan

"Liverpul" "Real Sosedad"ning 22 yoshli vingeri Takefusa Kuboni sotib olishga jiddiy qiziqish bildirmoqda. Bu haqda Relevo xabar bermoqda.

Manbaning xabariga ko'ra, qishki transfer oynasi ochilishidan oldin ham ingliz klubi ehtimoliy transfer tafsilotlarini bilish uchun "Real Sosedad" bilan bog'langan. Biroq futbolchining o'zi "Liverpul"ga o'tish taklifini rad etdi, chunki u mavsum oxirigacha ispan jamoasida qolish niyatida. Ta'kidlanishicha, "mersisaydliklar" Kuboga bo'lgan qiziqishni yo'qotmagan va kelasi yozda uni yana sotib olishga harakat qiladi.

Eslatib o'tamiz, joriy mavsumda Kubo barcha turnirlarda 25ta o'yinda ishtirok etib, oltita gol va to'rtta golli uzatmaga mualliflik qilgan.