La Liga klubi "MYu" bilan muzokaralarni davom ettirmoqda

Angliyaning "MYu" klubi futbolchisi Fakundo Pelistri faoliyatini La Ligada davom ettirishi mumkin.

Fabritsio Romanoning so'zlariga ko'ra, "Granada" "Manchester Yunayted" yarim himoyachisining transferi uchun kurashga kirishgan. Avvalroq urugvaylik futbolchiga PSV va "Los-Anjeles Gelaksi" klublari qiziqayotgani haqida xabar berilgandi.

Futbolchining o'zi ispan jamoasiga o'tmoqchi. "Granada" va "Manchester Yunayted" ijara shartnomasi bo'yicha muzokaralarni davom ettirmoqda.

Joriy mavsumda Pelistri "Manchester Yunayted" safida APLda 9 ta o'yin o'tkazib, bitta golli uzatmani amalga oshirdi.