"Everton" moliyaviy muammolar tufayli o'z etakchisini sotishi mumkin

"Everton" moliyaviy feyr-pley muammolari tufayli yaqin kelajakda o'zining markaziy himoyachisi Jerred Brentueytni sotishga majbur bo'lishi mumkin.

Talksport nashri xabariga ko'ra, "Manchester Yunayted" vaziyatdan unumli foydalanishga tayyor.

Eslatib o'tamiz, "Everton" joriy mavsumda moliyaviy feyr-pley qoidalarini buzgani uchun 10 ochkodan mahrum etilgandi. Jamoadagi vaziyat yaxshilanmayapti, shu bois 21 yoshli Brentueytni sotish zaruriy choraga aylanishi mumkin.

Avvaliga "Everton" Jerred uchun 100 million evrodan ortiq talab qilishi haqida mish-mishlar tarqalgandi, ammo klub baribir yon berishlari va chegirmalarni amalga oshirishi mumkin.