Kvaratsxeliya "Manchester Siti" ro'yxatida

"Napoli"ning gruziyalik vingeri Xvicha Kvaratsxeliya "Manchester Siti"ga o'tishi mumkin. Bu haqda Mail Sport nashri xabar bermoqda.

Manba bergan xabarga ko'ra, "shaharliklar" qishki transfer oynasida vingerning pozitsiyasini mustahkamlashni rejalashtirmoqda. Klub hozirda 3 nafar futbolchini ko'zlamoqda. Gap Xvich Kvaratsxeliya ("Napoli"), Pedru Netu ("Vulverxempton") va Savio ("Jirona") haqida ketmoqda.

Joriy mavsumda “Manchester Siti” Angliya Premer-ligasida 20 ta o'yin o'tkazib, 43 ochko to'plashga muvaffaq bo'ldi. Ayni damda Pep Gvardiola jamoasi "Liverpul"dan ikki ochko ortda qolgan holda turnir jadvalida ikkinchi o'rinda bormoqda.