"Milan" "Torino" futbolchisi borasida ikkinchi taklifni tayyorlamoqda

"Milan" Alessandro Buondjornoni o'z safiga qo'shib olishga urinib ko'radi.

“Rossonerlar” qishki transfer oynasida himoya chizig'ini kuchaytirish niyatida. "Torino" allaqachon Buondjorno borasidagi birinchi taklifni rad etgan.

"Milan" yaqin kunlarda futbolchini qo'lga kiritish uchun yangi urinishlar qilishi kutilmoqda. Sky Sport nashri xabariga ko'ra, Turin klubi Alessandroni 40 million evroga baholamoqda, ammo milanliklar shartnomaga 21 yoshli hujumchi Lorentso Kolomboni qo'shib, uning narxini tushirishga harakat qiladi.

Avvalroq “rossonerilar” ham Radu Dregushinga qiziqish bildirayotgani xabar qilingandi, biroq ruminiyalik futbolchi “Jenoa”dan “Tottenxem”ga o'tgan edi.

A Seriyaning joriy mavsumida Buondjorno 17 ta o'yin o'tkazib, 3 ta gol urgan.