"Yuventus" "Lill" bilan to'liq kelishuvga erishdi

Turinning "Yuventus" klubi markaziy himoyachi Tiago Djaloning transferi borasida "Lill" bilan to'liq kelishib oldi.

23 yoshli portugaliyalik tez orada "keksa sinora" bilan 2028 yilning yoziga qadar shartnoma imzolaydi. E'tiborli tomoni, "Lill" o'z futbolchisi uchun atigi 4,5 million evro oladi. Bunga sabab Djaloning klub bilan shartnomasi joriy mavsum oxirida tugaydi. Shu sababdan klub "Yuventus"ga chegirma qilishga majbur bo'ldi.

Manbaning aytishicha, Djalo chorshanba kuni Turinda tibbiy ko'rikdan o'tadi. Shu tariqa, Tiago "keksa sinora"ning ushbu transfer oynasidagi ilk yangi futbolchisiga aylanadi. Klub shu oyda yangi yarim himoyachi sotib olmoqchi.