"MYu" futbolchisi "Benfika"ga o'tishga yaqin turibdi

"Manchester Yunayted" himoyachisi Alvaro Fernandes faoliyatini "Benfika"da davom ettiradi. Bu haqda jurnalist Fabritsio Romano xabar bermoqda.

20 yoshli ispaniyalik futbolchi joriy mavsumning birinchi davrasini ijara asosida "Granada"da o'tkazdi. Manbaga ko'ra, "Benfika" Fernandesni sotib olish optsiyasi bilan mavsum oxirigacha ijaraga oladi.

Ma'lum qilinishicha, tomonlar o'rtasida kelishuv allaqachon imzolangan. Joriy mavsumda Fernandes barcha turnirlarni hisobga olgan holda 14 ta uchrashuvda qatnashib, gol ura olmadi. Transfermarkt portali ma'lumotlariga ko'ra, Fernandesning narxi etti million evroga teng.