"Roma" "Barselona" futbolchisini o'z safiga qo'shib olish niyatida

"Roma" "Barselona" yarim himoyachisi Oriol Romeuni o'z safiga qo'shib olmoqchi.

Football Espana nashri xabariga ko'ra, Rim klubi qishda tajribali yarim himoyachi bilan shartnoma imzolashni rejalashtirgan.

Romeu "Barselona" tarbiyalanuvchisi va o'tgan yozda Kataloniya klubiga qaytgan edi.

Joriy mavsumda Romeu “Barselona” safida 20 ta o'yin o'tkazib, bitta golli uzatmani amalga oshirdi.

Futbolchining klub bilan amaldagi shartnomasi 2026 yilning yoziga qadar mo'ljallangan.