Bonuchchi yangi klubi bilan kelishuvga erishdi

Italiyalik himoyachi Leonardo Bonuchchi yangi klubi – “Fenerbaxche” bilan kelishib oldi.

Bu haqda jurnalist Yagiz Sabuncho'g'li ijtimoiy tarmoqlarda yozdi. 2023 yilning sentyabr oyidan beri Bonuchchi Germaniyaning "Union" klubida o'ynamoqda.

Nemis klubi safida 10 ta uchrashuvda tajribali italiyalik himoyachi bitta gol urgan. 36 yoshli Bonuchchi Italiya terma jamoasi safida Evropa chempionatida o'ynash imkoniyatini oshirish maqsadida jamoasini o'zgartirmoqchi ekani avvalroq xabar qilingandi.

Keyingi yozda Germaniyada bo'lib o'tadigan turnirda "Skuadra Adzurra" kubokni himoya qiladi.

Transfermarkt portali Leonardo Bonuchchini 1,5 million evroga baholamoqda.