Vernerning qachon Londonga etib kelishi ma'lum bo'ldi

Timo Verner "Leyptsig"dan "Tottenxem"ga o'tadi.

Germaniyaning Sky nashri xabariga ko'ra, futbolchi Londonga dushanba kuni oxirigacha etib boradi. Verner seshanba kuni tibbiy ko'rikdan o'tadi. Hech qanday muammo aniqlanmasa, bitim yopiladi. Buning uchun hujjatlar allaqachon tayyorlangan.

Manbaga ko'ra, "Tottenxem" Vernerni mavsum oxirigacha ijaraga oladi. Yozda "shporlar" futbolchini 17-18 million evroga sotib olishi mumkin. Timo Verner mart oyida 28 yoshga to'ladi. Joriy mavsumni oladigan bo'lsak, hujumchi ikkita gol urdi va sherigiga bitta golli uzatma berdi. Eslatib o'tamiz, Verner avvalroq Angliyada "Chelsi"da o'ynagan.