"MYu" qishda "Portu" hujumchisini sotib olmoqchi

"Portu" hujumchisi Evanilson joriy qishki transfer oynasida "Manchester Yunayted"ga o'tishi mumkin. Bu haqda jurnalist Fabritsio Romano ijtimoiy tarmog'da xabar berdi.

Manbaga ko'ra, "mankunianliklar" vakillari 24 yoshli futbolchi bilan shartnoma imzolash imkoniyatlarini o'rganishmoqda. Qayd etilishicha, braziliyalik forvard uchun Londonning "Arsenal" va "Inter" kabi jamoalar ham da'vogarlik qilmoqda.

Evanilson "Portu"da 2020 yildan buyon o'ynab kelmoqda. Joriy mavsumda forvard “ajdarlar” safida barcha turnirlarda 20 ta o'yin o'tkazib, 11 ta gol va 3 ta golli uzatmani amalga oshirdi. Futbolchining Portugaliya klubi bilan shartnomasi 2027 yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 25 million evroni tashkil qiladi.

Oldinroq "Manchester Yunayted" "Real" himoyachisi Ferland Mendiga qiziqayotgani haqida xabarlar tarqalgan edi.