"Aston Villa" "Latsio" futbolchisini o'z safiga qo'shib olmoqchi

"Aston Villa" "Latsio" futbolchisi Felipe Andersonga qiziqish bildirmoqda. Bu haqda Sky Sports xabar bermoqda.

Manbaga ko'ra, Birmingem klubi 30 yoshli futbolchini 2024 yilning yozida erkin agent sifatida o'z safiga qo'shib olmoqchi.

Eslatib o'tamiz, Anderson avvalroq Angliyada o'ynagan va u erda 2018 yildan 2021 yilgacha “Vest Xem” safida to'p tepgan.

Joriy mavsumda braziliyalik vinger “Latsio” safida 25 ta o'yinda maydonga tushib, 1 ta gol urdi va 6 ta golli uzatmani amalga oshirdi. Transfermarkt portali Andersonni 10 million evroga baholamoqda.