"Yuventus" "Latsio" futbolchisini qo'lga kiritish variantlarini o'rganmoqda

Qanot himoyachisi Felipe Anderson mavsum so'ngida erkin agent sifatida “Latsio”ni tark etishi mumkin.

Rim klubi 30 yoshli braziliyalik bilan shartnomani uzaytirmoqchi, biroq ular taklif qilinganidan yuqoriroq moliyaviy shartlarni so'rashgan.

Goal portali xabariga ko'ra, "Yuventus" Andersonni sotib olish imkoniyatini o'rganmoqda. Turin klubi braziliyalik futbolchini yozgi transfer oynasida tekinga sotib olishi mumkin. Felipe Anderson joriy mavsum “Latsio” safida 25 ta o'yinda maydonga tushdi. Ularda braziliyalik futbolchi bitta gol urdi va sheriklariga oltita golli uzatmani amalga oshirdi.

Transfermarkt portali Andersonni 10 million evroga baholamoqda.