"Ayntraxt" 20 yoshli futbolchining transferini amalga oshirdi

Yosh himoyachi Nataniel Braun Frankfurtning “Ayntraxt” klubi futbolchisiga aylandi. Bu haqda “burgutlar” matbuot xizmati xabar bermoqda.

Braun "Nyurnberg"dan Frankfurtga ko'chib o'tdi. 20 yoshli futbolchi Germaniya yoshlar terma jamoasi safida to'rtta o'yin o'tkazgan. "Ayntraxt"ning yangi futbolchisi klub bilan 2029 yilning yoziga qadar shartnoma imzoladi.

Eslatib o'tamiz, Braun shartnoma imzolangandan so'ng darhol "Nyurnberg"ga qaytdi va u erda joriy mavsum oxirigacha ijara shartnomasi bo'yicha o'ynaydi. Bundesliganing 16-turidan keyin “Ayntraxt” 24 ochko bilan oltinchi o'rinda bormoqda.