"Vest Xem" futbolchisiga Italiya klublari qiziqish bildirmoqda

Londonning “Vest Xem” klubi markaziy himoyachisi Naif Agerga bir qancha xorij klublari qiziqish bilodirmoqda.

Insayder Fabritsio Romano o'zining ijtimoiy tarmoqlarida marokashlik futbolchi Italiyaning ikki klubi - "Milan" va "Roma"ning nishonida ekanligi haqida xabar berdi. Saudiya Arabistonining nomi oshkor etilmagan jamoalari ham Naifni sotib olmoqchi.

Xabarlarga ko'ra, barcha qiziqishlarga qaramay, Ager mavsum o'rtasida "Vest Xem"ni tark etishi dargumon. London klubi o'z himoyachisini qo'yib yuborish niyatida emas, Naifning o'zi esa Angliya Premer-ligasida o'ynashdan xursand.

Eslatib o'tamiz, Ager “Vest Xem”da 2022 yilning yozida Frantsiyaning “Renn” klubidan ko'chib o'tganidan beri o'ynab kelmoqda.