"100 million evro. Kami yo'q!" "Benfika" "Chelsi"ning taklifiga rad javob berdi

"Benfika"ning yosh himoyachisi Antoniu Silvaga Evropaning bir qator grand klublari qiziqish bildirmoqda.

The Sun nashrining xabar berishicha, "Chelsi" 20 yoshli futbolchi uchun taklif yuborgan. London klubi "burgutlar"ga 60 million evro taklif qildi. Bundan tashqari, “ko'klar” hujumchisi Armando Broya ham shartnomaning bir qismiga aylanishi mumkin.

Biroq, "Benfika" bu taklifni rad etdi. Lissabonliklar Silvani 100 million evroga sotishga tayyor - bu himoyachi bilan tuzilgan shartnomada ko'rsatilgan tovon puli.

2023/2024 yilgi mavsumda Antoniu Silva 23 ta o'yin o'tkazdi. Ularda himoyachi bitta gol urdi.