Zidan: «Beyl jamoani tark etishga yaqin turibdi»

«Real» bosh murabbiyi Zayniddin Zidan Intertational Champions Cup musobaqasi doirasida bo'lib o'tgan «Bavariya»ga qarshi o'yindan (1:3) keyin yarim himoyachi Garet Beylning kelajagi borasida o'z fikrini bildirib o'tdi.

«Beyl jamoani tark etishga yaqin turibdi. Shu bois, u bugungi o'yinda ishtirok etmadi. Umid qilaman, tez orada u boshqa jamoaga o'tadi. Bu barcha uchun eng yaxshi qaror bo'ladi. Biz uni boshqa jamoaga transfer qilish ustida ishlayapmiz.

Unga nisbatan shaxsiy g'arazim yo'q, ammo shunday qilish vaqti keldi. Men qaror qabul qilishim kerak. Jamoada o'zgarish qilishim lozim.

Uning jamoani tark etishi — bu nafaqat murabbiyning qarori, balki futbolchining o'zi ham shunday qarorga keldi. U vaziyatni yaxshi anglab turibdi. Bir-ikki kunda vaziyat o'zgaradi. Bu barcha uchun yaxshi vaziyat», — dedi Zidan.

Avvalroq «Real» Beylni 80 mln evroga sotishga rozi bo'lgani haqida xabar tarqatgandi.