"PSJ" futbolchisiga Bundesliganing ikki klubi xaridor

Germaniyaning "Ayntraxt" va "Volfsburg" klublari frantsiyalik "PSJ" hujumchisi Ugo Ekitikeni sotib olish imkoniyatini ko'rib chiqmoqda. Bu haqda jurnalist Fabris Xokins ijtimoiy tarmog'ida xabar berdi.

Manbaga ko'ra, "Ayntraxt" futbolchini 2023 yilning yozidan buyon kuzatib kelmoqda. Qolaversa, futbolchiga Angliyaning “Vulverxempton” klubi qiziqish bildirgan. Qayd etilishicha, eng yaxshi variant sotib olish huquqi bilan ijaraga olish bo'lib ko'rinmoqda.

Eslatib o'tamiz, avvalroq Sankt-Peterburgning “Zenit” klubi Evropadagi transfer oynasining so'nggi kunlarida Ugo Ekitika uchun 40 million evro taklif qilgani haqida xabar berilgan edi. Parijliklar rahbariyati 21 yoshli hujumchini klubda olib qolishga qaror qildi.

Ugo Ekitike Frantsiya chempionatining joriy mavsumida atigi bitta o'yin o'tkazdi. O'tgan mavsumda u "PSJ" safida barcha turnirlarda 32 o'yin o'tkazib, 4 gol va 4 golga assistentlik qilgan.