Varan Abduqodir Xusanovning jamoadoshiga aylanishi mumkin

"Manchester Yunayted" markaziy himoyachisi Rafael Varan Erik ten Xag jamoasidagi rolidan hafsalasi pir bo'ldi.

"Mankunianliklar" frantsiyalik futbolchini qishki transfer oynasida sotishga tayyor bo'lgan aktivlaridan biri deb bilishadi. GFFN nashri xabar berishicha, Varanning atrofidagilar Saudiya Arabistoni chempionatiga o'tish ehtimoli haqidagi ma'lumotni rad etishgan.

Qayd etilishicha, 30 yoshli himoyachi o'z "Lans" klubiga qaytishga tayyor. Biroq frantsiyalik futbolchining yuqori maoshi transferga to'sqinlik qilishi mumkin.

Varan "Manchester Yunayted"da 2021 yilning yozidan buyon o'ynamoqda. Joriy mavsumda himoyachi “qizil iblislar” safida barcha turnirlarda 15 ta o'yin o'tkazib, bitta gol urgan. Futbolchining ingliz klubi bilan shartnomasi 2025 yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 25 million evroni tashkil qiladi.