Ispaniya futbol federatsiyasi Grizmann ishi bo'yicha tekshiruvni boshladi

Ispaniya qirollik futbol federatsiyasi Grizmanning "Barselona"ga transferi bo'yicha tekshiruvni boshladi.

Eslatib o'tamiz, "Atletiko" prezidenti Enrike Sereso ushbu transfer yuzasidan tashkilotga shikoyat kiritgandi. Uning iddao qilishicha, «Barselona» Grizmann bilan mart oyida — hali o'yinchining tovon puli 200 million evroga teng bo'lgan paytda shartnoma imzolagan. "Ko'k-anorranglilar" futbolchining tovon puli 120 million evroga aylanadigan sana — 1 iyulni kutib, so'ng transferni amalga oshirishdi.

"Atletiko", shuning vajidan, qo'shimcha yana 80 million evro talab qilmoqda.