"Tottenxem" ustozi jamoaga "Bornmut" hujumchisini olib kelmoqda

"Tottenxem" bosh murabbiyi Anj Postekoglu London klubi rahbariyatining qishki transferlar vaqtida "Bornmut" hujumchisi Dominik Solankeni sotib olishi tarafdori. Bu haqda Daily Mail xabar bermoqda.

Manbaga ko'ra, Postekoglu 26 yoshli futbolchini o'tgan yozda London klubini tark etgan hujumchi Xarri Keynning o'rniga uzoq muddatga o'rinbosar sifatida ko'rmoqda.

Avvalroq, OAVda "Tottenxem" Solankeni sotib olish variantini ko'rib chiqayotgani haqida ma'lumot paydo bo'lgandi. Ta'kidlanishicha, "shporlar" skautlari futbolchining muvaffaqiyatini diqqat bilan kuzatib borishmoqda.

Eslatib o'tamiz, Solanke Londonning “Chelsi” klubi tarbiyalanuvchisi hisoblanadi. Joriy mavsumda angliyalik barcha turnirlarda 21 ta uchrashuvda qatnashib, 13 ta gol va bitta golli uzatmani amalga oshirdi. Futbolchining amaldagi klubi bilan shartnomasi 2027 yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 25 million evroni tashkil qiladi.