"Milan" Niderlandiya terma jamoasi futbolchisiga qiziqish bildirmoqda

Niderlandiya terma jamoasi va PSV himoyachisi Jordan Teze Italiya chempionatida o'ynash imkoniyatiga ega, bu haqda ijtimoiy tarmoqlarda insayder Ekrem Konur xabar berdi.

"Milan" 24 yoshli futbolchini o'z safiga qo'shib olishga qiziqish bildirmoqda. "Rossonerilar" qishki transfer oynasida Tezening transferini yakunlashi mumkin.

Transfermarkt portali futbolchining narxini 14 million evroga baholamoqda. Himoyachi va Eyndxoven klubi o'rtasidagi amaldagi shartnoma 2025 yilning yozida yakuniga etadi. Joriy Erediviziyada Teze 13 ta o'yin o'tkazib, 3 ta golli uzatmani amalga oshirdi.