"Liverpul" "Sporting" futbolchisining transferi borasida "Arsenal"ga jiddiy raqiblik qilmoqda

"Liverpul" "Sporting" va Portugaliya markaziy himoyachisi Gonsalu Inasiu transferi bo'yicha muzokaralar olib bormoqda. Bu haqda jurnalist Ekrem Konur ijtimoiy tarmoq ma'lum qildi.

Manbaga ko'ra, "mersisaydliklar" 22 yoshli futbolchini qo'lga kiritish uchun kurashda "Arsenal"ga jiddiy raqobatni taqdim etish niyatida. Qayd etilishicha, “Real”, “PSJ”, “Manchester Yunayted” va “Tottenxem” himoyachi futbolchini kuzatishda davom etmoqda.

Joriy mavsumda Inasiu “Sporting” safida barcha turnirlarda 23 ta o'yin o'tkazib, 3 ta gol urgan. Futbolchining Portugaliya klubi bilan shartnomasi 2027 yilning iyun oyi oxirigacha amal qiladi. Transfermarkt portaliga ko'ra futbolchining taxminiy narxi 30 million evroni tashkil qiladi.

Oldinroq "Liverpul" "Fulxem" va AQSh terma jamoasi himoyachisi Entoni Robertsonga qiziqish bildirayotgani xabar qilingandi.