"Chelsi" senegallik 17 yoshli futbolchi bilan kelishuvga erishdi

Senegallik yosh yarim himoyachi Pape Dauda Diong "Chelsi"ga o'tadi. Bu haqda jurnalist Fabritsio Romano ijtimoiy tarmog'ida xabar berdi.

Manba bergan xabarga ko'ra, londonliklar 17 yoshli yarim himoyachini "Daru Salam" klubidan transfer qilishga rozi bo'lgan. Futbolchi kelasi yozda voyaga etganidan so'ng "Chelsi"ga o'tadi. Hozircha transfer summasi aniqlanmagan.

Eslatib o'tamiz, Diong so'nggi JCh-2023da Senegal yoshlar terma jamoasi tarkibida ikki marta maydonga tushgandi. Afrika terma jamoasi 1/8 finalga chiqdi va unda turnirning bo'lajak kumush medali sohibi - Frantsiya terma jamoasiga penaltilar seriyasida mag'lub bo'ldi - (0:0, penaltilar bo'yicha 3:5).

Oldinroq "Chelsi" Germaniya Bundesligasi hujumchilari Viktor Bonifas va Benjamin Sheshkoga qiziqish bildirayotgani haqida xabar berilgandi.