"Napoli" "Yuventus"ning transfer maqsadini "ilib" ketmoqchi

Italiya chempioni "Napoli" uzoq vaqtdan beri Turinning "Yuventus" klubining transfer maqsadi hisoblangan "Udineze" yarim himoyachisi Lazar Samardjichni sotib olish imkoniyatini ko'rib chiqmoqda.

Jurnalist Fabritsio Romanoning xabariga ko'ra, neapolliklar transferni muvofiqlashtirish uchun tez orada "Udineze" bilan bog'lanishadi. Qayd etilishicha, futbolchining qarori asosiy bo'ladi. Agar Samardjich "Napoli"ga o'tishdan bosh tortsa, kelishuv amalga oshmaydi.

Eslatib o'tamiz, avvalroq Samardjich xizmatlariga "Yuventus"dan tashqari "Milan" va "Inter" ham qiziqish bildirayotgan edi. 21 yoshli serbiyalik futbolchi joriy mavsum Italiya A Seriyasida 2 ta gol urdi va 2 ta golli uzatmani amalga oshirdi.